O IGAPE convoca o Programa Innoempresa cofinanciado polo Fondo Europeo de Desenvolvemento Rexional e que ten como finalidade apoiar a innovación das pequenas e medianas empresas de Galicia.

As liñas ás que as empresas poderán solicitar axudas son as seguintes:

• IG127 -Proxectos que impliquen a adopción de novos modelos empresariais innovadores mediante a implantación de ferramentas de xestión avanzada.
• IG128 -Realización de diagnósticos integrais de situación e elaboración e implantación de plans estratéxicos.
• IG129 - Proxectos de deseño de novo produto.
• IG130 - Realización de diagnósticos tecnolóxicos e plans de mellora tecnolóxica.
• IG131 - Proxectos de desenvolvemento tecnolóxico aplicado desenvolvidos por pemes que impliquen a creación ou mellora substancial dun produto, proceso produtivo ou servizo de maior nivel tecnolóxico.
• IG132 - Implantación e certificación de acordo coas normas UNE 166.001 (proxectos de I+D+i) e UNE 166.002 (sistemas de xestión da I+D+i).
• IG133 - Implantación e certificación de sistemas de xestión medioambiental, sistemas integrados de calidade e medioambiente, excelencia empresarial e sistemas de xestión da seguridade da información.
• IG134 - Proxectos integrados de xestión loxística, medioambiental ou enerxética e outros proxectos innovadores de implantación conxunta.
• IG135- Identificación de necesidades tecnolóxicas, desenvolvemento de solucións técnicas e organizativas comúns e utilización de servizos avanzados compartidos por grupos de pemes.

Máis información: DOG