O IGAPE pon a disposición das empresas as axudas para apoiar o lanzamento de productos ou servizos novos ou xa existentes en novos mercados internacionais (países ou zonas xeográficas determinadas dentro dun país), mediante plans de marketing, comunicación, imaxe e marca.

En concreto as actuacións subvencionables deberanse realizar entre o 1 de xaneiro e o 15 de novembro do 2010 ou, no seu caso, dentro do prazo fixado mediante resolución nas convocatorias sucesivas destas axudas. Serán subvencionables as actuacións dirixidas a mercados estranxeiros para:

• Creación de marcas de empresas de Galicia así como, no seu caso, asistencia xurídica.
• Definición do nome, logotipos, imaxe e formato dixital, marca e asesoramento na imaxe corporativa para á súa adaptación aos mercados internacionais.
• Elaboración de plans de marketing dirixidos ao estranxeiro.
• Realización de plans de marketing dixital co obxecto de optimizar a presenza da empresa en internet para abordar novos mercados internacionais. Análise dos recursos TIC da empresa e utilización dos mesmos para abordar novos mercados internacionais. Deseño dun software específico para a elaboración dun plan de promoción internacional.
• Difusión e divulgación con fins promocionais realizadas a través de campañas ou insercións en medios de comunicación, sempre que a súa difusión se realice en novos mercados do estranxeiro.
• Elaboración de material promocional.
• Adaptación do produto e embalaxe a novos mercados estranxeiros.

O prazo para presentar as axudas remata o próximo 30 de xuño.

A contía subvencionable variará entre o 50% e 0 75% do custo ata un máximo de entre 40.000 e 75.000 €.

Máis información: Ficha da axuda.

Descargar DOG