A Consellería de Economía e Industria convoca subvencións aos programas sectoriais de Investigación aplicada, PEME I+D e I+D Suma do Plan Galego de Investigación, Desenvolvemento e Innovación Tecnolóxica cofinanciadas polo Fondo Europeo de Desenvolvemento Rexional (Feder), no marco do Programa operativo Feder Galicia 2007-2013 e se procede á súa convocatoria para o ano 2010.

Poderán solicitar as axudas as empresas e agrupacións empresariais sectoriais de carácter privado que realicen proxectos e actuacións de investigación e desenvolvemento para o seu sector.

Estas subvencións concédense para a realización de proxectos que se inicien no ano da convocatoria e que rematen como máximo no ano 2013.

Para que a solicitude poida ser considerada, será necesario que o importe do custo total solicitado do proxecto sexa como mínimo de 50.000 € no caso das Pemes e 90.000 € no caso de grandes empresas. O proxecto de investigación debe pertencer a unha ou varias das seguintes categorías de investigación.

Serán subvencionables os gastos de persoal técnico da empresa, persoal adicional técnico-científico, material inventariable, servizos tecnolóxicos externos, material funxible, viaxes, ou subcontratacións con universidades, centros de investigación, centros tecnolóxicos ou outras empresas.

O prazo de solicitude remate o próximo 7 de agosto de 2010, a aplicación remata ás 00:00 do 6 de agosto de 2010.

Diario Oficial de Galicia nº 128 Descargar PDF: 9.65 MB