O Banco del Libro erixiu o álbum de OQO editora Caixa de cartón (de Txabi Arnal e Hassan Amekan) como un dos mellores para nenos publicados en Hispanoamérica. O Banco del Libro, asociación venezolana privada sen fins de lucro, investiga, experimenta, innova e divulga accións dirixidas a nenos e mozos para a súa formación como lectores, e creou o premio como un recoñecemento á calidade.

Chámase 'Léala' e durante unha fin de semana acollerá a uns 30.000 visitantes para percorrer os máis de 100 postos de editoriais que estarán presentes, con firmas como Isabel Allende, Elena Poniatowska, Laura Restrepo, Lydia Cacho, o xuíz Baltasar Garzón e autoridades como José Manuel Blecua, director da Real Academia Española.